Quhet Rurik Gislason dhe është përzgjedhur në rrjetet sociale si futbollisti më simpatik i Botërorit. I ngjan shumë edhe ikonës së futbollit anglez, David Beckham, madje shumë prej fansave që e kanë votuar e konsiderojnë edhe më të bukur se “Spice Boy”.
Nuk do të jetë e nevojshme që Islanda ta kalojë grupin për ta fituar këtë konkurs, sepse fansat e futbollit e kanë votuar në masë si më të bukurin. Futbollisti islandez është 30-vjeç, ka një fizik të mrekullueshëm, sy të kaltër dhe flokë të bardhë të gjatë të lidhur bisht. Skuadra debutuese në Botëror tashmë e ka siguruar një çmim të parë.
