Artan Tafani, bashkëpunëtori i drejtësisë, dhe ushtar i bandës së Laert Haxhiut, ka rrëfyer të tjera krime në sallën e gjyqit.
Në seancën e sotme në Gjykatën e Posaçme kundër Korrupsionit dhe Krimit të Organizuar, Artan Tafani ka tregua se si e kreu vrasjen e Albi Bashaliut.
Albi Bashaliu është vrarë me 7 Dhjetor 2021 në Peqin.
Artan Tafani: Pasi mbaruam punë nuk na ndizej makina. E dogjëm makinën. Te vendi ku kishim lënë makinën tjetër për të ikur. Fshiva timonin që e kisha prekur. U nisa me vrap drejt rrugës kryesore. U nisëm per Tiranë, e lamë Benzin në Astir. Donim të shmangeshim nëpër lagje, ecnim në këmbë. E lamë makinën te rrethrrotullimi i Astirit. Kemi marrë një pjesë të lekëve të vrasjes së Albi Bashaliut, fillimisht 30 mijë Euro.
Mos gaboj, m’i dha lekët babai i Laertit, Qamili. Unë mora 20 mijë Euro. 20 mijë i mori Lulzimi, 10 mijë i mori Laerti. Morëm dy herë nga 10.
Kishim armë me silenciator, ma dha Bledar Berberi. Kishim dy armë, njëra TT, njëra me fishekë të veçkël fare, por njëra u përdor se tjetra nuk punoi. Një e kisha unë një e kishte Lulëzimi.
Me sa mbaj mend e kam shkrehur katër herë, dy herë në gjoks, dy herë në shpatull.
U qëllua me 6 fishekë, me sa mbaj mend. Arma ishte personale e Bledar Berberit. E kam shkrep 2 herë në gjoks e herët e tjera në kurriz.
Prokurori i SPAK: Po makina Benz nga ishte siguruar?
Artan Tafani: Benzi ishte me targa greke. E përdorte në Shqipëri e dashura e Erisjanos. E merr Laerti dhe e mbajmë ne. Më pas Laerti e çon atë në Greqi.
Dëshmia për tritolin në shtëpinë e Bujar Turkut, 31 Dhjetor 2022
Artan Tafani: Më ka thënë Laerti, sepse dyshonin që ai kishte mbajtur nipin e Aldo Bares, Xhulio Shkurtin. Nuk plasi, e lamë ashtu në vendngjarje dhe ikëm.
Makinat i mbanim në emrat e të dashurave. E fundit ishte nga Gjirokastra. Dolëm me Laertin dhe brodhëm, kishim parkuar dhe ikëm te ******.
Vajtëm i trokitëm në xham një makine. I thamë jemi policia, dil jashtë. Ajo goca që ishte në makinë u tremb. Ata dolën, ne u futëm. Kisha armë në dorë. Ai çuni kujtoi se ishim policia, pastaj më vonë e kapi. Djalin e qëlluam me dackë. E morëm makinën e parkuam në një parkim të hapur në Astir.
