Gazetari Artan Hoxha ka reaguar pas vendimit të gjykatës për vrasjen e Enton Nikajt në Linzë. Ai hedh dyshime se gjyqtarët mund të jenë paguar për uljen e dënimit.
Statusi i Artan Hoxhës
Per qiell e per dhe, a ka burra ky vend….
Prokuroria kerkoi 121 vite burg per 5 personat, e akuzuar per vrasjen live te Enton Nikajt ne Linze…ndersa gjykata e “trembur” nga kercenimet e Ministrit te Drejtesise Ylli Manjani, pavarsisht pamjeve video, vendosi t’i denoj,te peste personat me vetem 21 vite burg gjithsej….kush e gjen se sa e kane patur vleren financiare ato 100 vite burg qe mungojne nga pretenca e prokurorise deri ne vendimin e Gjykates?!
Vendimi në fjalë u dha dy ditë më parë. Gjykata e Tiranës vendosi të dënojë me 16 vite burg, Emiljano Tashon, i cili është dhe i akuzuari kryersor për vrasjen e Enton Nikjat.
Sakaq, gjykata rrëzoi prokurorisë, për dënimin e katër të akuzuarve për vrasje në bashkëpunim të Nikajt, ngjarje e ndodhur në një lokal në Linzë më 11 nëntor të vitit të kaluar.
Organi i akuzës kishte kërkuar që katër të akuzuarit të dënoheshin me mbi 20 vjet burg si autorë të vrasjes, por Gjykata ka dënuar vetëm atë që ka shkrepur armën me akuzën e vrasjes.
Ndërkohë Ervis Martinaj dhe Bujar Hasani u dënuan me nga 1 vit burg.
Po ashtu, ishoficeri i Policisë, Mirsad Kuçana u dënua me 1 vit e katër muaj, ndërsa Erjon Biraci me 2 vjet për përkrahje të autorit të krimit.
