Një artikull i Jon Austin, publikuar nga tabloidi britanik “Daily Expres” ka synuar të vërë në dukje mënyrën e komunikimit mes personave të përfshirë në veprimtari kriminale. Tabloidi, i cili prek edhe Shqipërinë, shkruan se trafikantët dhe personat e përfshirë në veprimtari të paligjshme janë duke përdorur në telefona një sistem mesazhesh që nuk mund të thyhet nga policia.
“Kriminelët në Birtani kanë nisur të përdorin një sistem komunikimi që quhet SKYECC, pasi policia arriti të thyente programin e tyre të mëparshëm EncroChat, duke çuar në arrestimin e qindra personave në Europë”, bën me dije artikulli, sipas të cilit EncroChat përdorej nga 60,000 kriminelë në të gjithë botën.
Duke iu referuar programit të ri, artikulli thotë se grupet kriminale shqiptare të vendosur në Britaninë e Madhe, sigurojnë screenshots të mesazheve me SKYECC dhe shpjegojnë se përse ato nuk mund të thyhen.
Burimi thotë: “Ne e dimë se çfarë ndodhi me EncroChat dhe jemi duke përdorur SKYECC. Jemi profesionistë dhe e dimë se çfarë bëjmë me komunikimin”. I kontaktuar për këtë artikull, gazetari investigativ Artan Hoxha ka treguar se ai ka komunikuar dikur me burime kriminale përmes EncroChat dhe tani përdor SKYECC.
Hoxha tha se telefonët me EncroChat janë përdorur nga drejtuesit e trafikut të drogës për të paktën dy vjet, por ata u informuan që sistemi po hetohej dhe e shkëputën. “Kjo shtoi kërkesën për komunikim të sigurt. Bosët e krimit shqiptar paguajnë shifra të larta ndaj specialistëve të IT që t’ju krijojnë platforma të siguta komunikimi. Megjithatë ne nuk jemi në pozitat që të flasim për një platformë konkrete në këtë moment”, ka thënë Hoxha.
Vetë gazetari Hoxha, ka publikuar në rrjetin Facebook, foto dhe fragmente nga intervista e tij për tabloidin britanik./Opinion.al
