Profesor Artan Fuga është shprehur se kreu i PD-së, Lulzim Basha, duhet t’a konsiderojë propozimin e Brian Yee i përfolur si ‘zgjidhës’ i krizës politike në Shqipëri, një dhuratë nga Zoti.
Nëpërmjet një shënimi në Facebook, Fuga shkruan se Basha nuk mund t’a lejojë t’i ikë treni për të dytën herë. Sipas tij, gjetja e konsensusit, jo vetëm që nuk është braktisje e çështjes që prej muajsh artikulon në çadër, por është rruga e suksesit që çadra ka pritur.
Shënimi i plotë:
Disa zëra të opinionit publik që nuk kanë lënë baltë pa hedhur mbi kurrizin dhe kokën e Lulzim Bashës, e drejta e tyre në një demokraci, për të cilën ai nuk ka nevojë sigurisht për avokat, tani po e këshillojnë të “bëhet burrë”, ta cojë deri në fund atë që ka nisur, të mos pranojë as të punojë mbi platformën McAllister, që zyrtari i lartë amerikan i ofroi mbështetje bujare për ta realizuar deri në një duke e cuar më përpara atë.
Sigurisht z. Lulzim Basha bën si të dojë, ai i di vetë punët e tij, por propozimin e drejtë amerikan nuk mund ta hedhi në kosh dhe të dëgjojë baltosës të tij që në të drejtë të tyre janë kundërshtarë të ideve që ai po çpalos në çadër dhe sigurisht një pjesë janë të renditur me kampin politik që natyrshëm dëshiron ta diskreditojë atë.
Nuk është fare puna se është një propozim amerikan, por është dhuratë e Zotit që risjell një të mirë të refuzuar.
Mos e lër trenin të të iki dy herë!
Kur miku im Muç Nano të thotë mos e prano propozimin amerikan, besoj se Lulzim Basha, bartësi i shpresës së republikës së re, besoj se e kupton se çfarë duhet të bëjë!
Sipas mendimit tim modest, jo vetëm që nuk është braktisje e çështjes që ai prej mluajsh artikuklon me të drejtë në çadër dhe unë e kam mbështetur sinqerisht, jo për interesat e mia, por sepse është pikërisht rruga e suksesit që çadra ka pritur.
Eshtë fitore jo disfata e qytetarëve anëembanë Shqipërisë!
I dëgjon njeri ata apo jo?
Mbase e kam gabim, por e kisha për detyrë ta ndaja me ju miq virtualë e realë.
Shënim: Titulli i shkrimit redaksional
