Kryeprokurorja Arta Marku ka nisur shkarkimin e njerëzve të Adriatik Llallës në prokurorinë e Përgjithshme. Pas një takimi që ka zhvilluar në orët e mëngjesit me ministrin e Brednshmë, Fatmir Xhafa disa drejtues të rëndësishëm në organin e akuzës u njoftuan për shkarkim apo ulje në detyrë.
Kështu është shkarkuar drejtoria e Marrëdhënieve me Jashtë, Rovena Gashi e cila prej më se 1 viti drejtonte edhe strukturën e Dekriminalizimit. Ajo do të vijojë punën si prokurore e thjeshtë prane kesaj njesie. Në vend të saj është emëruar drejtues i Dekriminalizimit, Arqile Koça. Kujtojmë se Koça ishte një nga kandidatët për Kryeprokuror që u paraqit në kryesinë e Kuvendit dhe garoi përballë Arta Markut.
Po kështu mësohet se Marku ka larguar drejtuesin e prokurorisë së Tiranës, Petrit Fusha dhe në vend të tij ka caktuar Dritan Rreshkën. Sakaq, Kryeprokurorja ka larguar edhe shefin e Kabinetit, duke emëruar sot znj. Alketa Zifla.
Njoftimi per mediat i prokurorise
Prokurori i Përgjithshëm, znj. Arta Marku firmosi vendimin për caktimin e prokurorit Dritan Rreshka në pozicionin e përkohshëm të Drejtuesit të Prokurorisë së Rrethit Gjyqësor Tiranë.
Ndërkohë, drejtuesi i deritanishëm i Prokurorisë së Tiranës, Petrit Fusha, do të vijojë komandimin si prokuror sektori, i ngarkuar per çështje të veçanta, pranë Prokurorisë së kryeqytetit.
Pak ditë më parë, Prokurori i Përgjithshëm, znj. Arta Marku, ka komanduar në pozicionin e Drejtorit të Kabinetit, znj. Alketa Zifla, e cila ushtronte funksionet e prokurorit pranë Prokurorisë së Rrethit Gjyqësor, Tiranë.
Lexo edhe: E fundit/ Arta Marku shkarkon prokuroren që kërkoi heqjen e mandatit të Aqif Rakipit
