Gjatë asamblesë së prokurorëve, ku do të bëhet zëvendësimi i Antoneta Sevdarit nga KLP, ka pasur një përplasje mes kryeprokurores Arta Marku dhe prokurorit Sokol Malaj. Konflikti ka qenë në lidhje me votimin e zëvendësuesit të Sevdarit, Vate Staka, i cili ishte edhe kandidati i vetëm.
Malaj kërkoi ndryshim të rregullores, duke thënë se kandidati duhet të quhet fitues nëse merr “50 plus një”.
“Prokurorja e Përgjithshme e Përkohshme thotë me frymën e ligjit. Me kë fryme ligji? Ne duhet te hedhim propozimin në votë, dhe asambleja vendos”, ka thënë Sokol Malaj.
Marku është kundërpërgjigjur, duke i kujtuar se mbledhjen e drejtonte ajo.
“Kush nuk do të marrë pjesë në votim, të largohet. Pastaj ankimet bëhen në gjykatën e Apelit. Dilni jashtë. Mbledhjen e drejtoj unë”, është shprehur Marku, ndërsa Sokol Malaj ka thënë se nuk mund t’i tregojë largimin prej mbledhjes./Opinion.al
