Kryeprokurorja e përkohshme Arta Marku ka thënë se nuk ka arritur të realizojë pritshmëritë e publikut për disa hetime konkrete.
Gjatë raportimit në dëgjesën publike të Këshillit të Lartë të Prokurorisë, kandidatja për kreun e Prokurorisë së Përgjithshme nënvizoi se nuk ka qenë tërësisht faji i saj për mospërmbushjen e pritshmërive të publikut për hetime të caktuara.
“Pritshmëritë e publikut kanë qenë shumë të larta, megjithatë për shkak të kompetencave të kufizuara jam e sigurt që këtu nuk kam arritur t’i realizoj pritshmëritë. Por askush nuk është kujdesur gjatë kësaj kohe që të sqarojë se roli i Prokurorit të Përgjithshëm ka ndryshuar, por është një prokuror më tepër me një rol simbolik për sistemin në tërësi dhe të munguar në hetimin e çështjeve konkrete. Këtu mendoj që nuk i kam realizuar pritshmëritë e publikut, por kjo nuk ka qenë as për fajin tim, as për mungesë të profesionalizmit tim”, u shpreh Kryeprokurorja e përkohshme Arta Marku. /Opinion.al
