Nga Basir Çollaku
Pas kësaj katrahure të re, me pushimin e hetimeve për ekstradimin e paligjshëm të Nezar Seitit, Prokuroria e Përgjithshme, kabineti i saj duhej të kishte bërë një inspektim, një auditim, një verifikim, ka një drejtori kontrolli rreth dosjeve që çmohen se shfaqin kaq çudira sheshit.
Ka shkelje ligjore siç konstatohet nga hetimi. Po gjyqtarë, Prokurorë, të disa niveleve, drejtues të komisariatit të Rinasit dhe Ministrisë së Brendshme, vartësit e Fatmir Xhafës, drejtues të burgjeve dhe vetë znj ministre e drejtësisë, Etilda Gjonaj, Prokurorja e Përgjithshme Arta Marku, dhe kabineti i saj, tek e gjithë procedura e ekstradimit e lejuar nga zinxhiri heqjes i sikletit kanë konsumuar shkeljet e ligjit, e cila nuk mund të jetë kundravajtje por thjesht element i veprës penale. Kanë prerë një biletë turistike për një të arrestuar të akuzuar nga Prokuroria për Krime të Rënda për akuzën e trafikut të drogës dhe pjesëmarrje në një organizatë ndërkombëtare të trafikut të drogës.
Po sigurisht kjo ishte bileta e parë, sepse me biletën e dyete të ngjashme por të pahetuar, atë të Agron Xhafës, dhe ky i dënuar për trafik heroine dhe akuzuar për vazhdimësi trafiku, nuk u mor askush. Vëllai i madh, në këtë rast shoku ministër di të kujdeset për familjen. Prokuroria e Përgjithshme me aneminë e veprimeve të saj proceduriale, ka zbehur deri në zhbërje përfaqësimin e akuzës, nën sloganin ligjor: shteti kundër shkelësve të ligjit. Tashme rruga për ta ftohur e ngrirë çështjen “Tahiri” është e lirë, duke përfshirë zhvillime të tjera teknike brenda grupit hetimor, duke lënë mjet rezervë vettingun, për çdo prokuror të vendosur të mendojë ndryshe nga porosia e ardhur atje lart.
Sigurisht drejtuesja e Prokurorisë për Krime të Rënda, Donika Prela e shpërblyer miqësisht dhe nderësisht e ka kthyer qartë mirënjohjen ndaj ndërbërësve së sa ndaj ligjit. Pyetjes nëse vetë zonja Prela, ka qenë në hetim për një çështje të po Krimeve të Rënda, ende si jepet përgjigje zyrtare, duke lënë dyshimet të kontraktuara mjaftueshëm.
Kontrolli i Prokurorisë shtohet edhe nga deklarata e Kryeministrit Rama se ne kemi vetëm rrugeçër dhe jo banda por janë ata prokurore dhe gjykatës që i lirokan dhe jo policia që i arreston apo nuk dërgon apo mbledh provat. Sepse pa prova s’ka prokuror apo gjykatës të bëjë magji në një sallë gjyqi. Fatkeqësisht ingranazhet e drejtësisë janë ndryshkur dhe janë degdisur në një magazinë në selinë e PS, ku në porosi të Ramës herë i shkërmoqin me radhë, Xhafa, Gjonaj, Felaj, Manja, Taulanti, Veliaj, kush të teproje me pas.. Ndaj klonimi në departamentet e PS i prokurorisë meqë ka ndodhur vetëm pa dashje nuk është bërë.. Zonja Marku s’po e kalon provën me profesionin…
