Disa muaj më parë Kryeprokurorja e përkohshme Arta Marku i transferoi pa pëlqimin e tyre, por Gjykata Administrative ka vendosur ti kthejë në detyrën ku ka qenë prokurorët Olsian Çela dhe Besim Hajdarmataj.
Këshilli i Lartë i Prokurorisë ka marrë dje në shqyrtim kërkesën e dy prokurorëve, por nuk ka marrë pëlqimin e shumicës së anëtarëve lidhur me këtë vendim.
Ndaj edhe KLP, vendosi që këtë vendim ta shqyrtojë me datë 7 janar.
Olsian Çela dhe Besim Hajdarmataj u transferuan nga Kryeprokurorja e përkohshme përkatësisht në Berat dhe Pogradec, pasi një konflikti që patën për dosjen “Shullazi”
Arta Marku u shpreh në atë kohë në një letër drejtuar qytetarëve se po ndëshkonte ata prokurorë që refuzojnë të përballen me krimin.
Ndërsa Gjykata Administrative argumentoi se “Gjykata vlerëson se urdhri bie kundërshtim me nenin 59 të ligjit numër 96 2016. Ai nuk përmban elementët e domosdoshëm të kërkuar nga ky ligj. Për këtë arsye, ky akt duhet shfuqizuar”
