Është shkarkuar sot nga detyra drejtuesi i Prokurorisë për Krime të Rënda Besim Hajdarmataj. Z.Hajdarmataj drejtonte prej vitesh këtë institucion, po kaq ishte prokurori që ndiqte hetimet për Saimir Tahiri bashkë me prokuroren Elisabeta Imeraj.
Largimi i z.Hajdarmataj nga pozicioni drejtues vjen një javë pasi Saimir Tahiri dorëzoi mandatin e deputetit dhe pritej arrestimi i tij. Nuk ka asnjë motivacion zyrtar (deri më tani) për shkarkimin e Hajdarmatajt.
Zëdhënësi i prokurorisë në një deklaratë të shkurtër njofton:
“Prokurorja e Përgjithshme Marku emëron Znj. Donika Prela si kreu i Prokurorisë për Krime të Rënda. Kemi besim se ky ndryshim në drejtim do të sjellë si rezultat ndjekje penale më të shpejtë dhe më të efektshme të cështjeve me përparësi të lartë. Ndjekja penale e krimit dhe korrupsionit mbetet prioriteti më i lartë për Kryeprokuroren Marku”.
Donika Prela është prokurore e ngritur në detyrë nga znj. Marku, e cila në Janar e vendosi drejtuese të Prokurorisë së Durrësit, ndërsa sot e cakton në krye të Krimeve të Rënda.
Ka dy zhvillime në prokurori që ndodhën vetëm një ditë më parë:
E para: Gjatë paradites së djeshme tek krimet e rënda u mor në pyetje Gentian Ceka, shofer i ish-ministrit të Brendshëm, Saimir Tahiri.
Po, ashtu rastësi apo jo, znj. Prela shkon drejtuese tek Krimet e Rënda një ditë pasi u grabit posta e prokurorisë së Durrësit, të cilën ajo e drejtonte deri më sot.
Sakaq znj. Prela është prokurorja që nisi hetimet në Durrës ndaj ish-kryeprokurorit Adriatik Llalla, dosje cila vetëm dy javë më parë është transferuar tek krimet e rënda. /Opinion.al
*Të tjera lajme rreth drejtuese se re te krimeve te renda:
Kush është drejtuesja e re e prokurorisë së Durrësit, si liroi djalin e Ruçit 5 vite më parë
