TIRANE- Edi Rama pasi ka folur mbi një orë për reformat e Qeverisë në një takim me gratë, në fund ka shpërthyer me batuta dhe në fokus të tyre ka qenë Arta Dade. Kujtojmë se vetëm një ditë para 8 Marsit, Rama është përplasur me Arta Daden në mbledhjen e grupit të PS, ku kjo e fundit kërkoi që PS-ja të distancohet nga incidenti me Blushin në Elbasan.
Batutat e Ramës me Arta Daden
Edi Rama: Tani duhet të flasë Arta Dade seps në një takim të tillë për gratë është më mirë të mos evitohet…se e di se çfarë heq pastaj. Tani për mua mos fol se e di çfare mendon, por fol për Gramozin dhe Pandin.
Arta Dade: Gëzuar 8 Marsin, qoftë çdo ditë e bukur si sot, suksese ju të gjithave. Të çojmë partinë përpara. Tani për Pandin e njoh se e kam pasur student dhe kam qenë një pedagoge e rreptë për të. Anglishten e ka përmirësuar kur u bë Kryeministër.
Ndërsa për Gramozin; Nuk është më dukur asnjëherë nursoz siç i thonë zakonisht, e falenderoj për mbështetjen grave në Parti.
Dade-Ramës: Shpërndaj karafila për të gjithë
Rama-Dades: Karafili yt deri në Kongres jam unë…
Rama i prezanton Arta Daden vajzave të reja që marrim kartat e anëtarësisë në PS: Artën e kemi kryetare të Komisionit të Jashtëm, por do e kemi ministre të Punëve të Brendshme në të ardhmen.
Dade: Pse jo… pavarësisht se s’kam vërejtje për ministrin aktual.
/Opinion.al
