Këngëtarja dhe aktorja Miley Cyrus vijon të jetë në vëmendjen e mediave. Pas ndarjes së bujshme me bashkëshortin e saj Liam Hemsworth, vetëm pak muaj pasi u lidhën në martesë, ajo nisi një lidhje me Kaitlynn Carter.
Por ndonëse marrëdhënia mes tyre po shkonte mjaft mirë dhe ishin tërë kohës pranë njëra-tjetrës, sërish Cyrus vendosi të ndahej edhe prej saj.
Burime pranë këngëtares janë shprehur për “People” se ajo dëshiron t’i kushtojë kohë vetes dhe karrierës së saj dhe për këtë arsye i pëlqen më shumë të qëndrojë beqare.
“Miley u nda nga Liam për t’u fokusuar tek vetja. Lidhja me Kaitlynn ishte një surprizë e bukur. Megjithatë Miley kishte investuar shumë në lidhjen e saj me Liam për një kohë të gjatë. Ajo po e ndiente se dhe marrëdhënia e saj me Kaitlynn po lëvizte gati në të njëjtin drejtim. Ato e kalonin çdo ditë bashkë kjo nuk ishte gjëja që Miley donte të bënte, pasi ajo dëshiron të fokusuohet më shumë te karriera,”-janë shprehur burime pranë saj.
Ndonëse tashmë nuk janë më në një lidhje, Miley dhe Kaitlynn kanë mbetur mikesha të mira./Opinion.al/
