Personazhi televiziv Kim Kardashian është nënë e katër fëmijëve. Vajzën e saj të parë North ajo e ka lindur në vitin 2013 dhe në një emision televiziv ka ndarë momentet e parrëfyera më parë kur e vogla ka ardhur në jetë.
E ftuar në emisionin ‘Foodgod: OMFG’, i drejtuar nga miku i saj i ngushtë, Jonathan Cheban, Kim ka treguar se çfarë ka ndodhur ditën kur e vogla ka ardhur në jetë.
“Kur shkova në shtëpi më thanë ‘Duhet të lindësh sot’. Thonjtë e mi ishin në ngjyrë të zezë, sepse ishte koha kur unë isha akoma në fazën Linkin Park After Dark. Dhe unë u thashë, ‘Oh, jo jo, unë do të lind një vajzë. Më duhet një ngjyrë rozë e lehtë për lindjen. Kështu i thashë doktorit, ‘A je i sigurt që duhet të lindë tani? A mund të më japësh dy orë kohë? Dhe ai tha, ‘Në rregull, takohemi për dy orë”,-ka treguar Kim.
Më pas ajo ka vijuar duke thënë se Kanye ndodhej në Zvicër atë ditë, por arriti të mbërrinte në kohë për lindjen e vajzës së tij të madhe./Opinion.al
