Alma Hiçka u largua nga posti i Avokates së Shtetit, ndërsa Kryeministri Edi Rama përgënjeshtroi lajmin se ajo është shkarkuar. Sipas Ramës, Hiçka dha dorëheqjen për arsye personale. Ndërsa ai vete shprehu vlerësim për punën e saj.
Deputeti demokrat, Enkelejd Alibeaj, thotë se znj. Hicka do të marrë një tjetër detyrë të rëndësishme. Sipas tij, Rama po e çon këshilltare në Gjykatën e Lartë me qëllimin final, për ta bërë anëtare të kësaj gjykate.
Alibeaj në Facebook: “Për herë të parë Edi Rama thotë të vërtetën! Ai nuk e ka shkarkuar Alma Hickën. Edi Rama do ta çojë avokaten e korrupsionit të tij, këshilltare në Gjykatën e Lartë, me qëllim për ta bërë anëtare të Gjykatës së Lartë. Me vetingun e partisë dhe me votën e krimit në parlament, reforma në drejtësi është që tani e kompromentuar!”
