Cili është arsimi që kanë deputetët Shqiptarë dhe sa cilësor është ai? Kjo është një pyetje e cila këto vitet e fundit nuk ka qenë aq e lehte të marrë përgjigje duke qenë se CV-të e deputetëve në botimet dhe publikimet e mëhershme por edhe te tanishme parlamentare konsiderohet një “sekret shtetëror” apo element marketingu politik.
Sipas një analize të Institutit të studimeve politike, një pjesë e deputetëve nuk pranojnë të bëjne publike CV-të e tyre, ose pjesa tjetër e ndryshon në varësi të interesave politike të ditës.
79 prej deputeteve kanë përfunduar studimet në Universitetin e Tiranes, ndërsa vendin e dyte e zë Universiteti I Shkodrës, ndjekur nga ai privat Kristal.
Rreth 10 deputetë kane përfunduar studimet e tyre në Universitetin e Kamzës. Por një pjesë ka bërë edhe ndryshme ne CV-të e tyre pas debatit që u hap mbi cilësinë apo akreditimin e Universiteteve. Madje 6 prej tyre kanë diploma nga universitete që janë në proces akreditimi.
31 deputetë janë juristë që kanë perfundur studimet me kohë të plotë ndërsa 20 me kohë te pjeshme dhe nga këta të fundit shumica kane nisur të studiojnë rreth moshes 40 vjecare. Cilësia juridike e parlamentit duhet të jetë në rritje pasi një e pesta kanë diploma të fakultetit juridik, por pjesa më e madhe e tyre I kanë të sistemit me kohë të pjesshme, të sistemit të fundjavës apo me korrespondencë.
Profesioni I dytë më “popullor” në parlament është ai I ekonomistit dhe në vend të tretë inxhinieret të cilët në pjesen më të madhe nuk e kanë ushtruar profesionin e tyre. Duke patur parasysh këto të dhëna, diskutimet apo etika parlamentare, sjellja zyrtare, raportet me ligjin apo regulloren mbeten një shqetesim për mbarëvajtjen e punës së tyre.
