Një 36-vjeçar është vënë në pranga nga policia ndërsa është proceduar penalisht babai i tij, pasi gjatë kontrollit në banesë policia gjeti një armë zjarri pushkë, një armë gjahu dhe një gjerdan me fishekë.
Mësohet se është arrestuar Elvis Tolës, në fshatin Çidhën ndërsa është proceduar penalisht në gjendje të lirë shtetasi M. Tola, 67 vjeç (babai i të arrestuarit).
“Shërbimet e Komisariatit të Policisë Dibër në vijim të punës për goditjen e veprimtarisë kriminale në fushën e armëmbajtjes pa leje si rezultat i kontrolleve të shtuara për rritjen e parametrave të sigurisë dhe parandalimin e ngjarjeve të mundshme kriminale , si edhe në bazë të informacioneve të siguruara në rrugë policore se një shtetas posedonte armë zjarri pa leje, shërbimet e policisë falë punës së mirërganizuar kanë ushtruar kontoll në banesën e 36 vjeçarit, në fshatin Çidhën, dhe si rezultat gjetën të fshehura një armë zjarri pushkë, një armë gjahu dhe një gjerdan me fishek të cilat u sekuestruan në cilësinë e provës materiale”, thotë policia./Opinion.al
