Ka arritur në 10 numri i personave të arrestuar arrestuar dhe ndaluar nga forcat e policisë pasi vepronin si një grup kriminal në kontrabandën e klandestinëve nga vendet e botës së tretë. Si rezultat i aksionit janë ndaluar dy persona banues në Tiranë M.K., 32 vjeç, dhe M.K., 56 vjeç.
Mbi ta rëndon akuza e ”Ndihmë për kalim të paligjshëm të kufirit, në formën e kontrabandimit të njerëzve”, kryer në bashkëpunim.
Ndërkohë bëhet e ditur se më herët gjatë operacionit të ndjekur me metoda speciale të hetimit nga Drejtoria Hetimore Qendrore në Departamentin e Policisë Kriminale në bashkëpunim me Drejtorinë e Policisë Elbasan, nën drejtimin e Prokurorisë së Rrethit Gjyqësor Elbasan janë arrestuar e ndaluar edhe 8 persona, ndërmjet tyre dhe kreu i grupit një shtetas turk.
Sipas policisë këta përsona duke bashkëpunuar me njëri-tjetrin vepronin si grup criminal duke organizuar transportin e shtetasve të huaj nga Kufiri i Gjelbër me shtetin grek në drejtim të Tiranës dhe më pas në drejtim të Malit të Zi.
