I dërguari special i Bashkimit Evropian për dialogun mes Kosovës dhe Serbisë, Mirosllav Lajçak, ka thënë se është arritur marrëveshje për shtensionim të situatës në veri të Kosovës.
Nëpërmjet një njoftimi në ‘Twitter’, Lajçak shkruan se kemi një marrëveshje për reciprocitetin e targave mes dy vendeve, një çështje e nxehtë sëfundmi dhe që solli tension mes palëve.
“Ne kemi një marrëveshje! Pas dy ditësh negociatash intensive, një marrëveshje për de-përshkallëzimin dhe rrugën përpara sapo është arritur. Falënderoj Besnik Bislimin dhe Petar Petkoviçin për gatishmërinë e tyre për të negociuar dhe pajtuar për të mirën e njerëzve”.- shkruan Lajçak në ‘Twitter’.
Bëhet me dije se më 2 tetor do të zëvendësohet Njësia Speciale e Kosovës me KFOR-in. KFOR-i do të qëndoj në Jarinjë dhe Brnjak për dy javë./ Opinion.al
We have a deal! After two days of intense negotiations, an agreement on de-escalation and the way forward has just been reached. I thank Besnik Bislimi and Petar Petkovic for their readiness to negotiate and agree for the good of the people. pic.twitter.com/OuhuUWvuG0
— Miroslav Lajčák (@MiroslavLajcak) September 30, 2021
