Bota

Arrihet armëpushimi në Rripin e Gazës


               Publikuar në : 13:05 - 14/11/19 |
xhu lia

Që prej të enjtes ka nisur armëpushimi pas dy ditësh luftime midis Izraelit dhe militantëve në Rripin e Gazës.

Luftimet nisën pasi forcat izraelite vranë komandantin e grupit miliant Xhihadi Islamik Palestinez.

Ministria e Shëndetësisë në Gaza, territory, I cili  kontrollohet nga militantët e Hamasit, tha se 32 njerëz janë vrarë nga sulmet e Izraelit, ndërsa mbi 60 të tjerë janë plagosur.

Një zëdhënës i Xhihadit Islamik Palestinez konfirmoi se armëpushimi ka hyrë në fuqi në orën 05:30 të mëngjesit, sipas kohës lokale.

Një zyrtar i lartë egjiptian u shpreh se marrëveshja e armëpushimit ka ardhur “si rezultat i përpjekjeve të Egjiptit”.

I dërguari i Kombeve të Bashkuara për paqe në Lindjen e Mesme, Nickolay Mladenov tha se OKB-ja dhe  Egjipti kanë “punuar shumë për të parandaluar përshkallëzimin në dhe rreth Gazës, që do të çonte në luftë”.

Megjithatë Izraeli nuk e ka konfirmuar ende armëpushimin./Opinion.al/

Pas