Të gjithë u tronditën pak ditë më parë kur u bë i ditur lajmi që reperi i njohur XXXTentacion ndërroi jetë në moshën 20-vjeçare, teksa disa persona e qëlluan për vdekje në makinën e tij.
Sipas informacioneve të fundit nga ‘Daily Mail’ është mësuar se është arrestuar i dyshuari i parë, i cili mendohet se e ka qëlluar reperin për ta vjedhur atë.
Ai është 22-vjeçari Dedrick Devonshay Williams, i cili më parë është akuzuar për vjedhje, vrasje si dhe drejtim të makinës pa patentë. Nuk janë zbuluar më shumë detaje për autorin këtij krimi, por nga rrjetet sociale mediat e huaja kanë shkruar se ai ka qenë një person që i pëlqente paraja dhe në çdo foto ekspozonte paratë dhe tatuazhet e tij.
Ndërkohë policia ka hedhur poshtë pretendimet se reperi është vrarë me qëllim dhe është shprehur se e kanë vrarë grabitësit, të cilët kanë dashur vetëm t’i merrnin sendet me vlerë.
