Hile Gjokhilaj, 58 vjeç nga Lezha është i dyshuar për një sërë vjedhjesh në Tiranë. Ai u arrestua mbrëmë nga policia për një vjedhje të ndodhur më 26 tetor në një dyqan ushqimor.
Policia thotë se ka arritur të marrë 20.000 lekë (të reja) dhe disa artikuj ushqimor. Por, gjithashtu dyshohet se përmes mashtrimeve apo duke përfituar nga mungesa e vemendjes së shitësve, të ketë vjedhur edhe disa dyqane të tjera më parë.
Kështu policia e bën përgjegjës për vjedhjet e mëposhtme:
Më datë 18.08.2016, në rrugën “Xhanfize Keko”, ka vjedhur dyqanin e shtetases A. M., ku ka marrë 6.000 lekë dhe disa artikuj.
Më datë 22.08.2016, në rrugën “Qemal Stafa”, ka vjedhur dyqanin e shtetases Sh. Z., ku ka vjedhur disa artikuj.
Më datë 12.10.2016, në rrugën e “Dibrës”, ka vjedhur dyqanin e shtetasit G. Ç., ka marrë disa artikuj.
Më datë 09.09.2016, në rrugën “Kongresi i Manastirit”, ka vjedhur dyqanin e shtetases M. Gj., me anë të mashtrimit, i ka marrë 10.000 lekë.
Më datë 30.10.2015, në Babru-Shpat, ka vjedhur dyqanin e shtetases M. L., me anë të mashtrimit i ka marrë disa artikuj.
Më datë 07.05.2016, në Bathore 2, ka vjedhur dyqanin e shtetasit U. U., me anë të mashtrimit i ka marrë disa artikuj.
Më datë 26.07.2015, në Frutikulturë, ka vjedhur dyqanin e shtetases E. M., me anë të mashtrimit i ka marrë disa artikuj.
