Një 32-vjeçar është arrestuar nga policia e Tiranës, pasi ka kryer një seri grabitjesh.
Sipas uniformave blu mësohet se i riu ka kryer 16 raste vjedhjesh në disa biznese në Tiranë.
“Shërbimet e Komisariatit të Policisë Nr. 1, në vijim të punës për goditjen e veprimtarisë kriminale në fushën e vjedhjes së pasurisë, si rezultat i administrimit të menjëhershëm të kallëzimeve të disa qytetarëve, për vjedhje në subjekte të ndryshme, me mbështetjen e inteligjencës policore, kanë organizuar dhe finalizuar operacionin policor të koduar “Cases”.
Gjatë operacionit u arrestua shtetasi E. Gj., 32 vjeç, banues në Tiranë.
Nga veprimet hetimore të kryera, dyshohet se ky shtetas është autor i 16 rasteve të vjedhjes së shumave të parave në disa biznese në Tiranë”, njofton policia.
Materialet i kaluan Prokurorisë.
