Policia kufitare në Bari arrestoi të enjten një shtetas shqiptar pas një urdhër-arresti të lëshuar nga Gjykata italiane, pasi akuzohet për dhunë në familje, lëndime personale dhe tentativë përdhunimi.
Mësohet se 43-vjeçari shqiptar ishte nisur nga Durrësi dhe me të zbritur në portin e Barit është arrestuar në prani të nënës së tij.
Mediat shkruajnë se gjatë arrestimit atij iu gjet një pasaportë shqiptare dhe një leje qëndrimi afatgjatë e BE-së, e lëshuar për arsye familjare, pasi ishte i martuar me një italiane.
Shqiptari ishte denoncuar nga bashkëshortja e tij për dhunë në familje dhe për rrahje të saj përpara syve të vajzës 9 vjeçare, duke i shkaktuar dëmtime në trup.
Sipas mediave italiane, 43-vjeçari shqiptar, akuzohet edhe për një tentativë për përdhunim të bashkëshortes, së bashku me dy shqiptarë të tjerë.
Gruaja u tha hetuesve se që në muajt e parë të martesës, ai kishte filluar të ushtronte dhunë dhe kjo sjellje ishte reflektuar edhe në prani të miqve dhe vajzës së mitur të tyre./Rel.d/
