Arrestohet në Londër një 22-vjeçar shqiptar, i pastrehë, pasi përndiqte një vajzë 11-vjeçare, të cilën e kishte parë në një park të qytetit.
Sipas mediave britanike Erson Sinaj, ka përndjekur të miturën deri në banesën e saj për një periudhë kohore prej 4 ditësh, me pretekstin se ishte i dashuruar me të.
Pavarësisht se policia dhe fqinjët e kanë paralajmëruar disa herë që të largohej, ai sërish ka qëndruar aty gjatë gjithë natës. Ndërkohë nëna e 11-vjeçares fillimisht ka menduar se ishte një hajdut i cili do të vidhte shtëpinë, por më pas kuptoi se ai kishte një obsesion shqtësues me vajzën e saj.
Pas arrestimit të 22-vjeçarit, ai i ka thënë policisë se vajza që kishte parë në park i pëlqente, e donte dhe se nëse donte ta ndiqte, askush nuk mund ta pengonte ta bënte këtë.
Gjatë seancave në gjykatë në Croydon, trupa gjykuese u njoh me historinë e Sinajt, i cili kishte mbërritur së fundmi në Britaninë e Madhe, dhe nuk kishte ende një strehë, por flinte në një park.
Pas disa seancave gjykata e ka dënuar të riun shqiptar me 8 muaj burg për përndjekje./Opinion.al
