Një shqiptar është arrestuar në Breshia të Italisë, pasi kishte muaj që kërcënonte me jetë dhe përndiqte ish të dashurën e tij rumune.
Kështu, mediat italiane shkruajnë se shqiptari 35vjeçar ishte xheloz dhe nuk e pranonte ndarjen nga rumunia. Ai kishte nisur ta përndiqte prej tre muajsh atë, madje duke e kërcënuar me jetë.
“Nëse del me dikë tjetër do të të vras”, mësohet t’i ketë thënë shqiptari rumunes. Ai e përndiqte në telefon, ushtronte dhunë psikologjike, madje i shkonte edhe te vendi i punës, duke e kërcënuar.
Ai madje kishte kërcënuar se do të blinte një pistoletë dhe do të bënte masakër nëse ajo nuk kthehej me të.
