Policia Italiane ka arrestuar një 38-vjeçar shqiptar, pasi akuzohet se ka dhunuar dhe kërcënuar bashkëshorten e tij.
Shqiptari që jeton në Monza është babai i tre fëmijëve të mitur. Po ashtu bëhet me dije se dhuna që 38-vjeçari ushtronte ndaj bashkëshortes së tij ishte e vazhdueshme dhe tre fëmijët e tij të mitur kanë qenë dëshmitarë të gjithë ngjarjes që ka përjetuar nëna e tyre.
“Do të të djeg të gjallë”, ishte ky kërcënimi i fundit që shqiptari i bëri gruas së tij, dhe tentoi që ta godiste me çekiç.
32-vjeçarja kishte bërtitur në banesë dhe kanë qenë fqinjët ata që i erdhën në ndihmë duke e shpëtuar nga dhuna dhe njoftuan policinë. Tashmë shqiptari është arrestuar nga policia dhe u dërgua në burgun e Monzas.
