Një 27- vjeçar shqiptar ra në prangat e policisë italiane pasi në makinën e tij u gjetën 6.5 kg kokainë e një cilësie tepër të lartë.
Mediat italiane shkruajnë se shqiptari e kishte fshehur drogën në airbag -un e makinës, ndërkohë që autoritet italiane njoftojnë se nëse droga do të hidhej në treg do të sillte përfitime që i kalonin 1 milion eurot.
27-vjeccari shqiptar që jetonte prej vitesh në shtetin fqinjë, ndalua në një autostradë, pranë Peruxhias.
Në momentin e kontrollit, ai u tha agjentëve të policisë se ishte në qytet për disa ditë pushime, por nuk mundi t’i shpëtojë kontrollit të mjetit e për pasojë edhe arrestimit.
