Policia e Durrësit ka vënë në pranga një 43 vjeçar i cili dyshohet se shpërndante kokainë, në disa zona të qytetit.
Kështu, në kuadër të operacionit “Start 1”, u vu në pranga 43 vjeçari E.V.
Gjatë kontrollit fizik dhe në banesën e këtij shtetasi, shërbimet e Policisë gjetën dhe sekuestruan 89 doza me kokainë, 7615 euro, 50.000 lekë të reja që dyshohet se ishin të përfituara nga shitja e kokainës, si dhe motorin që përdorte për të shpërndarë lëndën narkotike.
Materialet i kaluan Prokurorisë së Rrethit Gjyqësor Durrës, për veprën penale “Prodhimi dhe shitja e narkotikëve”./Opinion.al
