Policia e Elbasanit ka ndaluar 44-vjeçarin, Jermir Daci, i cili më 8 prill, shkaktoi aksident në aksin rrugor Prrenjas-Qafë Thanë, ku u plagosën 4 persona të së njëjtës familje.
44-vjeçari, me automjetin që drejtonte, ka përplasur një automjet dhe si pasojë e humbjes së kontrollit nga drejtuesi pasi ishte në gjendje të dehur, ka goditur dhe një automjet tip “Passat”, në ambientet e një servisi.
Përmes një komunikate zyrtare blutë njoftojnë se 44-vjeçari nga Dibra akuzohet për veprën penale “Shkelja e rregullave të qarkullimit rrugor”.
“Në vijim të veprimeve të thelluara hetimore dhe procedurale të kryera për zbardhjen e rrethanave të aksidentit të ndodhur më datë 08.04.2024, në aksin rrugor “Prrenjas-Qafë Thanë”, ku si pasojë mbetën të dëmtuar 4-shtetas, specialistët e Sektorit të Policisë Rrugore kanë ndaluar me iniciativë shtetasin J. D., 44 vjeç, banues në Peshkopi, për veprën penale “Shkelja e rregullave të qarkullimit rrugor”,-njofton policia.
