Drejtoria Rajonale e Agjencisë së Mbikëqyrjes Policore Elbasan-Korçë në bashkëpunim me Policinë e Elbasanit kanë arrestuar drejtorin e zjarrfikëses në Cërrik, pasi drejtonte makinën në gjendje të dehur.
Sipas një njoftimi zyrtar të AMP; “arrestimi i shtetasi A. T., 36 vjeç,u krye pasi ai ka qenë duke drejtuar automjetin tip Mercedez Benz në gjendje të dehur, në qytetin e Cërrikut. Nga testi i parë i kryer me aparatin Drager, ky shtetas rezultoi në masën 2.0 mg/l, ndërsa në testin e dytë rezultoi me 1.225 mg/l. Materialet proceduriale i kaluan Prokurorisë pranë Gjykatës së Shkallës së Parë Elbasan”./ Opinion.al
