Një punonjës i gjendjes civile në Vllahinë të Vlorës është arrestuar nga policia, pasi akuzohet për falsifikim dokumentesh dhe shpërdorim detyre
30-vjeçari i identifikuar me inicialet R.Y., banues në Mertiraj, në bashkëpunim me disa persona të tjerë kanë regjistruar një shtetas me gjeneralitetet e një personi tjetër që kishte vdekur në 1997.
Gjithashtu po ndiqet në gjendje të lirë shtetasja K.P., punonjëse e gjendjes civile Durrës për veprat penale ”Shperdorimi i detyrës” dhe “Falsifikimi i letërnjoftimeve, i pasaportave ose i vizave”.
“Në kuadër të operacionit u bë shpallja në kërkim e shtetasve V.Z., i cili ka aplikuar për pasaportë me gjeneralitetet e një personi tjetër që kishte ndërruar jetë ne vitin 1997, por nuk e kishin ç’regjistruar nga Regjistri i Gjendjes Civile, si dhe E.K, punonjësi i kompanise ‘Aleat’, pasi i ka vënë gjurmët e gishtave për aplikim për pasaportë të personit V.Z”,sqaron policia.
Materialet hetimore do t’i kalojnë Prokurorisë së Rrethit Gjyqësor Durrës për veprime të mëtejshme për veprat penale “Korrupsion aktiv i personave që ushtrojnë funksione publike”, “Falsifikimi i letërnjoftimeve, i pasaportave ose i vizave”, “Shpërdorim të detyrës” dhe “Korrupsion pasiv i personave që ushtrojnë funksione publike”./ Opinion.al E.Xh.
