Presidenti i klubit të futbollit të Turbinës së Cërrikut, Gentian Gjoka është arrestuar mbrëmjen e djeshme në Tiranë. Ai u arrestua në apartamentin ku banonte në afërsi të zonës së ish-Bllokut pasi u kap me një armë zjarri pa leje.
Burime zyrtare nga policia bene me dije se ne kuadër të operacionit “Lokalizmi”, ra në pranga 45-vjecari, lindur në Vlorë dhe banues në Tiranë.
Shërbimet e Policisë kanë bërë të mundur lokalizimin e tij në rrugën “Medar Shtylla” dhe falë ndërhyrjes në kohë është bërë e mundur kapja e tij. Nga kontrolli fizik dhe në banesë këtij shtetasi iu gjet një armë zjarri pistoletë, me një krehër me fishekë luftarak. Nga verifikimet e bëra rezultoi se Gjoka ishte i shpallur në kërkim për llogari të DVP Vlorë, për veprën penale “Mashtrimi”.
Tashmë Gjoka do të përballet me drejtësinë me akuzën e armëmbajtjes pa leje duke rrezikuar 7-15 vite burg. Armëmbajtja pa leje në Kodin Penal ishte me burgim nga tre deri në shtatë vjet, por me ndryshimet në kodin e ri rritja e dënimit u bë nga shtatë deri në pesëmbëdhjetë vjet. /Opinion.al
