Një punonjës policie në Durrës është arrestuar ditën e sotme me akuzën e shpërdorimit të detyrës.
Burime nga policia thanë se N/komisar Gjergji Azisllari me detyrë Specialist për Hetimin e Krimeve në stacionin policor në Plazh, Durrës u arrestua pas një hetimi gati dyjavor.
“Ky punonjës ka përpiluar Vërtetimin e Besueshmërisë për shtetasin me rekorde kriminale G.N., i cili ishte pajisur me armë zjarri për në banesë.
Pas veprimeve proceduraiale të SHÇBA-së rezultoi se i arrestuari është person me rekorde kriminale, por kishte ndryshuar gjeneralitetet. Punonjësi i Policisë Azisllari nuk ka kryer verifikimin në sistem sipas procedurave standarde të punës.
Gjatë hetimit ka rezultuar se po ky punonjës policie kishte përpiluar të njëjtin lloj vërtetimi edhe për shtetasin A.M., i cili gjithashtu rezulton me rekorde kriminale në të dhënat e Policisë së Shtetit”, sqaron Policia e Shtetit.
