Policia britanike ka vënë sërish në pranga futbollistin e Manchester United Mason Greenwood nën akuzën se ka thyer masën e sigurisë të caktuar më herët nga gjykata.
Sulmuesi 21 vjeçar u arrestua në janar të këtij viti nën akuzën e dhunës seksuale. Ai gjithashtu akuzohet se kishte kërcënuar me vdekje një vajzë.
Aktualisht për Greenwood nuk është ngritur asnjë akuzë, por masa e tij e sigurisë u shty deri në muajin qershor.
Një përfaqësues i policisë së Manchester tha se futbollisti shkeli lirimin me kusht dhe një hetim është duke vijuar.
Karriera e Greenwood pësoi një goditje të rëndë pas akuzave të ngritura ndaj tij për përdhunim në janar. 21 vjeçari aktualisht është pezulluar nga stërvitja me klubin ndërsa humbi dhe sponsorët.
