Një 21-vjeçar shqiptar ka rënë në prangat e policisë britanike pasi akuzohet për shpërdarje të lëndëve narkotike.
Rexhino Toska, 21-vjeç pasi është ndaluar nga policia ka pranuar akuzat për shitje të lëndëve narkotike, duke thënë se “anglezët e dashurojnë kokainën”.
Në momentin e arrestimit, Toskës ju gjet kokainë që arrinte vlerën e 850 paund. Ai u ndalua nga policia për shkak të shpejtësisë së lartë, ndërkohë që ishte duke i dhënë një makine të tipit Mercedes në Cambridgeshire.
Mësohet se 21-vjeçari kishte hyrë në mënyrë ilegale në Britani dhe kishte një patentë të falsifikuar me identitetin e një italiani me emrin, Maurizio Conti.
Kur u ndalua nga policia, shqiptari iu tha se fliste italisht. Në çastin kur mbërriti një përkthyes i gjuhës italiane u kuptua që 21-vjeçari nuk fliste italisht.
Ai u dënua me 30 muaj heqje lirie pasi pranoi tregtinë e paligjshme të drogës. Toska ka rrëfyer më pas se kishte mbërritur në Britani në një kamion në muajin dhjetor të vitit që lamë pas./Opinion.al/
