Dy të rinj janë vënë në pranga gjatë orëve të para të mëngjesit të sotëm, pasi u është gjetur një armë pa leje. Gjatë kontrolleve të ushtruara nga policia, 27-vjeçarit Bledar Matoshi, iu gjet një pistoletë pa leje, me karikator me gjashtë fishekë, me mbishkrimin “CAL.380”.
Ndërkaq, është ndaluar edhe shoku i tij, Klajdi Kodra, 26 vjeç, pasi gjatë shoqërimit për në komisariat, ka kundërshtuar me dhunë punonjësit e policisë, duke iu grisur uniformën. Ndalimi i dy të rinjve u bë në rrugën “Mustafa Qosja” në kryeqytet, nga punonjësit e Komisariatit nr.2, ndërsa materialet në ngarkim të tyre i kaluan prokurorisë së rrethit për procedim të mëtejshëm.
