Është arrestuar flagrancë në Tiranë një 29-vjeçar pasi u kap duke shitur kanabis.
Drejtoria e Policisë Tiranë në bashkëpunim me Seksionin e Narkotikëve, pas një pune hetimore disamujore, finalizuan dje me sukses operacionin e koduar “DISTRIBUTORI”.
Si rezultat u arrestuar shtetasi E.M., 29 vjeç, banues në Tiranë dhe është proceduar në gjendje të lirë shtetasi L.I., 23 vjeç, banues në Tiranë, për veprën penale “Prodhimi dhe shitja e narkotikëve”.
Arrestimi i E.M është kryer mbrëmjen e djeshme në rrugën “Myslym Shyri” dhe ndaj tij Gjykata e Rrethit Gjyqësor Tiranë ka vendosur masën e sigurisë “Arrest në burg”
Gjatë kontrollit në ambientet e përdorura nga ky shtetas, Policia gjeti tri qese me lëndë narkotike canabis sativa rreth 1.1 kg, të ndara në doza dhe të futura në qese farmaceutike, të gatshme për treg, 6 aparate celulare dhe një sasi lekësh
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale “Prodhimi dhe shitja e lëndëve narkotike”. /Opinion.al
