Policia ka gjetur dhe ka konfiskuar 11 kg e 600 gramë lëndë narkotike të llojit “Canabis Sativa”, në një banesë në Qytetin e Vlorës. Në pranga është vënë Kristo Abazaj, 24 vjeç ng qyteti i Vlorës, banues në fshatin Lapardha.
Më datë 16.05.2017, Specialistët e Seksionit për Hetimin e Narkotikëve, gjatë kontrollit të ushtruar në banesën e shtetasit Kristo Abazaj në fshatin Lapardha, Bashkia Selenicë, kanë gjetur të fshehur nj sasi me lëndë narkotike, e cila pas peshimit ka rezultuar me peshë prej 11 kilogramë e 600 gramë e dyshuar si Cannabis Sativa. Lënda narkotike u gjet e fshehur ngjitur me murin rrethues të kësaj banese, e cila ishte e vendosur në tre (3) thasë sintetikë. Policia arrestoi menjëherë shtetasin Abazaj, i cili dyshohet të jetë autor i kryerjes së veprës penale “Prodhimi dhe shitja e lëndëve narkotike”, neni 283/1 i Kodit Penal.
