Bashkëpunimi ndërkombëtar mes dy policive, asaj shqiptare dhe malazeze, solli arrestimin në Tiranë të një 22-vjeçari nga Mali i Zi, i dyshuar për vrasjen e një shtetase ruse.
Policia tha se shtetasi me inicialet A.S, kishte hyrë ilegalisht në Shqipëri, por falë bashkëpunimit mes dy policive, u bë e mundur identifikimi i vendodhjes si dhe kapja e tij.
Njoftimi i policisë:
Bie në rrjetën e bashkëpunimit ndërkombetar, një shtetas malazez i dyshuar për vrasje Policia e Tiranës gjatë një operacioni bazuar në informacionet e Policisë së Malit të Zi, ka bërë të mundur kapjen në Tiranë të një shtetasi malazez të dyshuar për vrasje.
Shtetasi A.S, 22 vjeç nga Mali i Zi kishte hyrë ilegalisht në Shqipëri. Falë bashkëpunimit të ngushtë me Policinë malazeze dhe shkëmbimit në kohë të informacionit, u bë i mundur identifikimi i vendodhjes si dhe kapja e tij.
Shtetasi A.S., dyshohet se ka vrarë një shtetase ruse në Malin e Zi. Nga ana e Policisë së Shtetit u bë deportimi për në Malin e Zi i shtetasit A.S., i cili është marrë në dorëzim nga shërbimet e Policisë malazeze
