Pjesëtarët e Agjencisë serbe për Siguri dhe Informim (BIA) dhe zyrtarë të ministrisë së Punëve të Brendshme të Serbisë, kanë arrestuar në Bujanoc, një shqiptar me inicialet A.B., i cili dyshohet se ka kryer veprën penale të terrorizmit.
Njoftimi është dhënë nga Agjencia serbe për Siguri dhe Informim më 27 dhjetor.
Sipas njoftimit, të dyshuarit i është gjetur “një sasi e madhe armësh, dhjetë pushkë, një snajper me shurdhues, një kilogram eksploziv, si dhe një sasi e madhe municioni”.
“Dyshohet se armët janë marrë përmes rrugëve të paligjshme dhe se qëllimi i të dyshuarit ka qenë transportimi i tyre në zonën e Kosovës dhe Metohisë”, thuhet në njoftim.
Ndaj shqiptarit me inicialet A.B., është caktuar masa e paraburgimit prej 48-orësh.
