Ish-kryeministri i Pakistanit, Imran Khan, u arrestua të martën nga anëtarët e njësive paraushtarake, pasi akuzohet për korrupsion.
Arrestimi i tij dramatik dhe i papritur, është kapitulli i fundit në muajt e trazirave politike të vazhdueshme në vendin e armatosur bërthamor pasi Khan u rrëzua vitin e kaluar.
Sipas dokumenteve të gjykatës të parë nga CNN, Khan u arrestua në Islamabad me akuza të ngritura nga Byroja Kombëtare e Përgjegjshmërisë, agjencia e vendit kundër korrupsionit.
Ai po dorëzonte të dhënat e tij biometrike për një paraqitje në gjykatë kur forcat paraushtarake thyen një dritare për të arritur tek ai.
Khan tha se ai ishte “arrestuar për akuza të pasakta” në një deklaratë të para-regjistruar të lëshuar në YouTube .
“Deri në momentin që do të merrni këto fjalë të mia, unë do të jem i arrestuar me akuza të pasakta, Kushtetuta e Pakistanit, e cila na jep të drejta, e cila na jep demokraci, është varrosur. Ndoshta nuk do të kem mundësinë të flas më me ju.”
Khan pohon në video, “Unë e kam ndjekur gjithmonë ligjin. Unë jam duke u arrestuar në mënyrë që të mos mund të ndjek rrugën time politike për të drejtat themelore të këtij vendi dhe që unë t’i bindem kësaj qeverie të korruptuar të mashtruesve që na është ngritur mbi ne.
Khan u bëri thirrje mbështetësve të tij që “të dilnin për të drejtat themelore; asnjë kombi nuk i jepet liria në një pjatë; ka ardhur koha që të gjithë ju të vini dhe të luftoni për të drejtat tuaja”-tha ai.
