Ish-drejtori i Policisë së Malit të Zi, Vesellin Veloviç, është arrestuar këtë të hënë.
Ky lajm është konfirmuar edhe nga Prokuroria Speciale e Shtetit e cila thotë se ndaj tij rëndojnë akuzat për “akte kriminale të krijimit të një organizate kriminale, abuzim me pozitë zyrtare dhe kontrabandë”.
“Departamenti i Policisë Speciale, me urdhër të Zyrës së Prokurorit Special, i ka privuar nga liria V.V dhe M.N, dhe ndaj tyre është ngritur padi penale, si dhe ndaj A.M dhe N.M., të cilët janë në kërkim”, është thënë në deklaratën e Prokurorisë.
Veljoviç u arrestua në bashkëpunim me Agjencinë e Bashkimit Evropian për Bashkëpunim për Zbatimin e Ligjit (EUROPOL).
Mes tjerash, autoritetet e Malit të Zi, kanë paralajmëruar se aktivitetet e tyre në këtë drejtim, do të vazhdojnë edhe në ditët në vijim.
Veloviq ka qenë drejtori i Policisë së Malit të Zi në periudhën 2007-2011, dhe prej mesit të vitit 2018 deri në fund të vitit 2020.
Veloviq ka pasur funksione të rëndësishme në Policinë e Malit të Zi, edhe para pavarësisë së shtetit.
