Një 49-vjeçar është arrestuar nga policia e Durrësit, me qëllim ekstradimin në Itali. Ermir Dervishi duhet të vuajë dënimin me burgim të përjetshëm për vrasje. Gjykata e Apelit të Alessandrias në 18 shkurt të 1999 e ka dënuar me burgim të përjetshëm, për kryerjen e veprës penale “Vrasja”.
Ermir Dervishi nuk është një emër i panjohur për autoritetet. Ai njihet si pjesëtar i Bandës së Durrësit. Po ashtu në 3 nëntor të vitit 2011, agjentët e RENEA-s e kapën në zonën e Freskut në Tiranë pasi ishte në këkrim që prej 10 vitesh.
Dervishi akuzohej për vrasjen e Gentian Duros me të cilin kish pasur më parë shoqëri, dhe sipas organit të akuzës e qëlloi për vdekje në Kavajë në vitin 1998.
Çështja e tij në vitin 2012 shkoi deri në Gjykatën Kushtetuese dhe më pas nuk dihet se si ai arriti të shpëtonte nga dënimi prej 20 vitesh burg që i kishte dhënë Gjykata e Apelit./ Opinion.al
