Bie në prangat e policisë Gjergj Cukali, i njohur si “i forti” i rrugës Myslym Shyri. Arrestimi i tij ka ardhur pas thyerjes së masës së arrestit shtëpiak dhënë nga Gjykata e Tiranës në vitin 2016 për trafik kokaine.
Cukali fitonte deri në 50 mijë euro në muaj nga shitja e kokainës. Dy vite më parë ai u arrestua bashkë me 16 persona të tjerë, anëtarë të bandës së drogës. Më herët, Cukali është arrestuar edhe për armëmbajtje pa leje dhe pengmarrje.
Njoftimi i Policisë
Tiranë
Shërbimet e Seksionit për Hetimin e Narkotikëve në D V P Tiranë arrestuan në flagrancë shtetasin :
Gjergji Cukali, 39 vjeç, banues në Tiranë.
Me datë 12.04.2018 shtetasi Gj.Cukali i dënuar me masën e sigurisë “Arrest në shtëpi”, për veprën penale “Prodhimi dhe shitja e narkotikëve”, është është kapur në flagrancë larg banesës së tij pasi ka shkelur vendimin e Kolegjit Penal të Gjykatës së Lartë, ku është larguar nga vëndqënrimi i banesës së tij ku ishte i detyruar të qëndronte.
Materialet proceduriale iu kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale te “Largimi i të burgosurit nga vendi i qëndrimit” parashikuara nga neni 323 të Kodit Penal në ngarkim në shtetasit Gjergji Cukali.
