Një gardist i Gardës së Republikës është arrestuar ditën e sotme, pasi ka plagosur me armën e shërbimit bashkëmoshatarin e tij.
Ende nuk dihen motivet e kësaj ngjarjeje por është bërë e ditur se Florjan Hysi ka qëlluar me armë në gjoks 22 vjeçarin Lorenc Doci. Arrestimi i gardistit u krye në rrugën “Ramadan Çitaku” në kryqëzim me rrugën e “Balshajve”nga Shërbimi për Çështjet e Brendshme dhe Ankesat (SHÇBA) në bashkëpunim me specialistët e Sektorit të Krimeve ndaj Jetës.
I plagosuri është dërguar menjëherë në spital për të marrë trajtimin mjekësor por ende nuk dihet gjendja e tij shëndetësore.
Mbi Florjan Hysin rëndon akuza për veprën penale “vrasje me dashje, e mbetur në tentativë”
Kujtojmë se rasti i fundit që përfshinë pjesëtarë të gardës me ngjarje kriminale është ai i Alket Arapajt. Ky i fundit qëlloi për vdekje me armën e shërbimit bashkëshorten e tij për arsye xhelozie. /Opinion.al
