Një 34-vjeçar nga Fieri është arrestuar nga policia kufitare e Kakavijës pasi u kap me 3 kilogramë heroinë. Policia thotë se Endrit Zeqo e kishte fshehur drogën në krosktoin e makinës.
“Në dalje të Republikës së Shqipërisë është paraqitur shtetasi Endrit Zeqo me automjetin tip “Benz”, me targa AA 239 OZ. Gjatë kontrollit të ushtruar në automjetin e këtij shtetasi, në një vend të përshtatur poshtë kroskotit kishte disa pako me lëndë të dyshuar narkotike Heroinë. Gjatë kontrollit të imtësishëm nga grupi hetimor, u gjetën 6 pako me lëndë narkotike të dyshuar Heroinë, me peshë totale 3 kg. Këto pako u sekuestruan në cilësinë e provës materiale”, sqaron policia.
Materialet proçeduriale i kaluan Prokurorisë së Krimeve të Rënda Tiranë për veprën penale “Trafikimi i narkotikëve “, parashikuar nga neni 283/a i Kodit Penal.
