Drejtori i një banke të nivelit të dytë është arrestuar, pasi akuzohet se i ka vjedhur një klienti 30 mijë dollarë. I arrestuari në kuadër të operacionit “Bankieri” është 35 vjeçari me iniciale, F. N. banues në Tiranë.
Sikurse njofton policia, duke shfrytëzuar pozicionin e tij si drejtor i një filiali të një banke të nivelit të dytë si dhe duke shpërdoruar detyrën, ky shtetas ka vjedhur në llogarinë rrjedhëse, të një klienti shumën prej 30.000 dollarësh amerikanë.
Finalizimi i operacionit u bë pas një hetimi disa mujor pas denoncimit të klientit, ndërsa drejtori i filialit tashmë do të përballet me drejtësinë me akuzën “Vjedhja e kryer duke shpërdoruar detyrën” ./Opinion.al
