Policia e Shtetit ka ekzekutuar pasditen e sotme urdhër-arrestin e lëshuar nga Prokuroria, për arrestimin e Dhurata Saliajt, vajzën e Mexhit Picarit, i cili ditën e sotme vrau ish-dhëndrin e tij. Klan news raporton se ajo është vënë në pranga pasi ka thyer masën “arrest shtëpie” të vendosur nga Gjykata pasi akuzohet për dhunë në familje.
Babai i Dhurata Saliajt, Mexhit Picari qëlloi për vdekje ish-dhëndrin Kudret Saliaj ndërsa plagosi avokatin e tij. Vrasja ndodhi rreth orës 11:50, të ditës së sotme në një zonë të populluar të Tiranës, në një lokal të njohur pranë Gjykatës së Tiranës.
Çifti Saliaj prej disa vitesh kishte patur probleme dhe akuza të ndërsjellat për tradhti bashkëshortore dhe për dhunë fizike dhe psikologjike. Dhurata dhe Kudret Saliaj ishin në proces divorci dhe ditën e sotme do zhvillohej seanca gjyqësore ku do të vendosej për kujdestarine e fëmijëve./Opinion.al
