PRISHTINE- Sot në mengjes forca të shumta police kanë arrestuar deputeten e AAK-së, Donika Kadaj, në dalje të shtëpisë së saj”, bëri të ditur Aleanca për Ardhmërinë e Kosovës, e drejtuar nga Ramush Haradinaj.
AKK, parti në opozitë i bën thirrje organeve të rendit dhe drejtësisë, që të mos shndërrohen në vegla të pushtetit. “Mos zbatoni urdhëra politike të të korruptuarve dhe kriminelëve institucionalë: Mustafës, Thaçit dhe Veselit”, thuhet në komunikatë.
Gjykata Themelore e Prishtinës dje ka lëshuar fletë arrest ndaj katër deputetëve opozitarë të Kuvendit të Kosovës. Fletë arresti është lëshuar për Albin Kurtin, Albulena Haxhiun, Donika Kadaj-Bujupin dhe Faton Topallin.
